واش هو الفرق بين الشخص الناجح و الشخص الفاشل ؟ واش الي يخلي شخص يحقق نجاح بعد نجاح, و شخص آخر يدور برك في دوامة الفشل ؟
كاين بزاف أسباب
بصح من بين الأسباب كاين واحد الي عندو بزاف تأثير, ألي هو :
المعتقدات الي في عقل كل واحد
واحد عندو معتقد أنو يقدر ينجح, هو واثق أنو بتوفيق من ربي راح ينجح. هذ الشخص راح يحاول و يحاول, رغم الفشل عدة مرات, حتى ينجح. ما راحش يسمع للناس الي يحاولو يقنعوه بلي مستحيل ينجح.
أما الشخص الي عندو معتقد بلي ماعندوش إمكانيات باش ينجح, عندو إيمان قوي بلي من المستحيلات السبع أنو ينجح, راح مايحاولش يحقق حتى حاجة في حياتو. وحتى إذا حاول فإنو يحاول بإستعمال 1 بالمئة من إمكانياتو فقط, و راح يتوقف عن المحاولة عند المشكلة الولى الي يلقاها في طريقو. و يبقى يعيش حياة عيانة, بعيدة كل البعد عن الحياة الي كان بالإمكان يعيشها لوكان إعتقادو بلي يقدر ينجح.
Commentaires
Enregistrer un commentaire